華發網繁體版

廣東人所用的「埋」字有哪種意思?

廣東人所用的「埋」字有哪種意思?

圖:舊式的店舖多用「摺閘」;遇上結業,那不就是「摺埋」了嗎?

「埋」有「葬」的意思。「葬」就是死了,生命有個了「結」,什麼也塵埃落「定」,亦即一「了」百「了」。那廣東人所用的「埋」字也有以下的意思:

定、結、了

據此,廣東人創造了不少相關的粵語方言用詞:

「話唔埋/講唔埋」,相當於說不定。

例1:失戀啫,唔使唔開心嘅,「話唔埋」聽日你識番個靚女呢!

「三日唔埋兩日」,指三日不定兩日也不定,相當於「三天兩頭」,用以形容經常發生的事。

例2:呢對拖友(戀人),三日唔埋兩日就嗌分手。

「三句唔埋兩句」,相當於經常把某些話兒掛在嘴邊,與「開口埋口」意近。

例3:你有冇文化?,三句唔埋兩句就爆粗!

「埋數」,相當於結算。

例4:我公司逢廿八號埋數。

「埋單」,相當於結帳,也有最終負全責的意思。

例5:你喺外便做咗咁多唔負責任嘅嘢,最終可能要屋企人同你埋單!

「執埋」,相當於「執笠」,即結業。

「摺埋」,其實係由「執埋」通過以下的音變而來:

執(zap1);變韻母zip1;變調摺(zip3)

由於「死亡」可看成「人生結業」,所以有人以「摺埋」寓意死亡。

例6:生意唔好,老闆決定今個月底執埋/摺埋間酒樓。

「凍到面都紅埋」,指因天氣太冷,凍得臉部通紅了。

例7:今日原來得一度,唔怪之得個個凍到面都紅埋。

「嚇到腳(仔)都軟埋」,指因受驚過度以致雙腿發軟了,意味著行不動了。

例8:如果半夜三更響山頭野嶺度有人同我打招呼,我肯定嚇到腳都軟埋啫!

「做到/行到腰都直埋」,指因工作/行路太多,令到腰部極度疲倦。人累時或坐/站得太久,會站著伸伸腰,廣東人叫「伸懶腰」;伸腰時,腰被拉直了,於是有「腰都直埋」的講法。「梗」有「直」的意思,因而也可說成「腰都梗埋」。

例9:年尾公司好忙,全人類都做到腰都直埋。

「火都嚟埋」,指火也來了,比喻因被激怒或看到一些極度不滿的事物以致怒火中燒。

例10:個仔話極都唔聽,搞到個老竇火都嚟埋。

【來源:香港資深出版人 梁振輝】


此文由華發網繁體版編輯,未經允許不得轉載: 華發網繁體版 » 國民教育 » 廣東人所用的「埋」字有哪種意思?

讃 (4)
分享至:

評論 0

暫無評論...
驗證碼
取 消
请选择理由
取消
私信记录 »

请填写私信内容。
取消
加载中,请稍侯......
请填写标题
取消