鴿黨靠嚇亂砌「一地兩檢」

■民主黨偷取《屍殺列車》片段，企圖以恐嚇手法抹黑「一地兩檢」。 fb圖片

形容入內地口岸如俾「喪屍」咬 網民譏：去年8100萬人次「送死」?

反對派知道法理上拗唔贏，於是就以恐嚇手段抹黑廣深港高鐵香港段的「一地兩檢」安排。民主黨近日出咗條片，「偷」咗韓國電影《屍殺列車》嘅片段，再配上粵語對白和字幕，將內地口岸區形容為一進入就會俾「解放軍」咬喎，真係唔知嚇一跳，然後就得啖笑。有網民就指，如果話喺口岸執法的內地人員就係「喪屍」，咁港人返內地，無論有冇「一地兩檢」，都會經過內地口岸，咁豈不是去年已經有多達8,100萬人次香港居民，在往返內地時俾「喪屍」咬死咗？真係講出嚟自己都笑。有人就話，如果中央唔守「一國兩制」要「跨境執法」，「佔中」者早被解放軍駐港部隊拉咗啦，唔應該屈得就屈。 

民主黨近日在fb發帖話：「究竟偉大既（嘅）高鐵通車之後會出現咩情境？我哋就幫大家設想咗下......」，帖中上載的係改編自《屍殺列車》嘅片段，並重新配音、改台詞侮辱內地口岸執法人員係「喪屍」，話喺高鐵西九龍總站上吓fb、抗議吓就會被「咬」，仲會連累成車人咁話喎，又話如果在歸內地管轄的高鐵車廂內病發，就要「有錢先有得醫」等等。帖子標註中，更加上「以後可以直接坐洗頭車」、「係咪好美好呢」、「公安效率好高」。

偷「喪屍」片老作 改台詞辱公安

此帖一出，不少反對派支持者都不斷轉發，試圖恐嚇香港市民。不過，很多心水清的網民，都對民主黨此舉嗤之以鼻，指出港人通過其他口岸回內地都要遵守內地法律，如果同「一地兩檢」比較，咁咪仲更加係「送羊入虎口」？但大家真係未聽過有港人因此而「出事」甚至「俾喪屍咬」。

「Ken Cheng」就揶揄道：「現實世界羅湖落馬洲日日塞滿人，呢條網上虛疑（擬）廢片除左（咗）拎黎（嚟）畀D（啲）社會失敗者打飛機打嘴炮之外仲有什麽價值可言？」「Wong Abele」也附和道：「係啦。如果要拉，只要上到大陸（內地）就拉得，一地兩檢唔會有分別。」

「Kenneth Sze」就說：「你只要試過在內地坐過高鐵或公交車，就會知道你所講嘅事究竟會否成真。若未坐過，就勿庸人自擾！......若唔強拗香港境內執法。當你一上車根本就直達內地，絕不可能再在香港境內停留或下車，再加理性些，始終高鐵『一地兩檢』便利得多，除非不搭高鐵或從不回大陸（內地）的人才會反對，因為事不關己，即使每一分鐘一檢亦與他們何干，拉倒也沒關係！」

網民心水清挺租地便管理

他續說：「高鐵長途的確冇乜點方便，但中短途就大不同。你坐飛機要早兩個鐘到機場，係兩邊機場內清關、檢查行李、接駁，兩邊加埋又要成粒鐘，但高鐵只要早十五分鐘入閘，即使加埋兩檢清關，我估都係再加三十分鐘。」

「Kenneth Sze」慨嘆：「香港回歸後土地及主權屬大陸（中央）。何況香港曾亦得益河套區。中央亦把深圳土地撥給香港。中央絕對可以以方便管理或利大於幣（弊）方案來分配或租借土地。」

「Ka Pot Lo」自言睇完條片後「巧驚驚」，曲直難分地留言道：「遲D（啲）會唔會殺到落黎（嚟）架（㗎），我地（哋）有冇撤退方案？」「CW Tang」就曲到圓地回應：「快走（離開香港）啦！遲啲連個頭都割埋。」

有人更借機恥笑民主黨。「Shirley Chiu」在留言中問道：「民主黨有乜野（嘢）解決方法阻止『一地兩檢』？」「Kahang Leung」就恥笑道：「有， 集體自殺， 冤魂附喺高鐵列車上！」「Hung Wong」也稱：「在高鉄（鐵）一齊自焚！」「Wong Hiu Ping」就揶揄：「高鐵撥款係你劉慧卿當初做主席時不惜剪布俾（畀）政府過ga（㗎）......你民主黨有無道歉ar（呀）？」

「民主黨遠離民眾，可悲！」

在眾多評論中，「Li Siu Keung」似乎最一語中的：「又要反對但又無合理的理由，祗（只）有歪曲事實，今天的民主黨遠離民眾，可悲！」

香港文匯報