反對派滋擾選委搞白色恐怖

■「前線科技人員」首先「表揚」的選委是太興飲食集團主席陳永安，其次是先施主席及行政總裁馬景煊。fb圖片

公佈提名林鄭商界中人資料 煽動濫報消防食環威脅

雖然特首候選人曾俊華口口聲聲稱要和諧，另一候選人胡國興也聲稱要修補撕裂，但「薯粉」和「胡椒粉」真係唔係咁諗啵。「前線科技人員」facebook專頁近日就發佈「傑出選委系列」，對提名另一候選人林鄭月娥的選委起底，貼相、出名兼指明其所屬企業，更聲稱︰「假如林鄭成功當選嘅話，大家一定要幫襯佢哋多D（啲），以表揚佢哋嘅貢獻。」該專頁向來發佈林鄭的負面資訊，不少人看到如此「表揚」，遂聲言會「罷買罷食」，更有人聲言︰「得閒嘅話，行入去兜二（兩）個圈，睇下（吓）有乜嘢需要幫手通知食環，消防等部門去睇睇整改下（吓）。」擺明車馬製造白色恐怖，想影響選委投票。

「薯片」之前才於fb貼出宣傳片，稱「要走出一條新的和諧道路」，仲呃到幾萬個like，有唔少人留言話「好感動」；胡國興亦因為聲稱要「修補撕裂」而贏得部分反對派選委支持。不過，現實中「薯粉」同「胡椒粉」就唔係想像中咁和諧嘞，更以白色恐怖手段，誓要令提名林鄭月娥嘅選委「冇好下場」。

太興先施首先中招

反對派組織「前線科技人員」近日就在facebook發帖稱︰「為咗表揚一眾提名林鄭選特首嘅商界選委，我哋會逐一介紹佢地（哋），假如林鄭成功當選嘅話，大家一定要幫襯佢哋多D（啲），以表揚佢哋嘅貢獻。」首個「被表揚」的選委就是飲食界選委、太興飲食集團主席陳永安，其次就是批發及零售界選委、先施主席及行政總裁馬景煊。「新民主同盟」的前立法會議員范國威，同「佔領中環」fb專頁都有幫手分享有關資訊。

「得閒入去兜兩個圈」

此專頁向來傾向支持「薯片」同胡官，狂踩林鄭，fans當然對「傑出選委系列」一睇就明，紛紛留言諗計整鬼佢哋。

針對太興，「Donald Ho」聲言︰「得閒嘅話，行入去兜二（兩）個圈，睇下（吓）有乜嘢需要幫手通知食環，消防等部門去睇睇整改下（吓）。例如有冇D（啲）員工去完厠（廁）所唔洗手，有冇一邊晌（響）廚房做嘢一邊担（擔）住私煙，有冇小强，地下厠（廁）所嘅衛生，有冇儲存過多氣罐......，通通都可以『履行好市民責任』，知會有關部門做嘢。」

「Steven Mak」就曲線稱︰「嚴正呼籲：亂咁叫外賣係唔啱架（㗎），大家唔好咁做呀。」「Eric Kai」就話︰「咁大家識做啦......太興？收佢皮啦！」「Patrick Chui」更惡毒留言詛咒︰「陳永安，祝你死全家。」

有人唔同意咁做法，但都好快被圍攻。「Cato Otac」問道︰「呢d（啲）同『文革』又有乜分別呢？」「Ng Ives」就直接話佢係「五毛」︰「咁你咪餐餐幫襯佢囉，又無人鎖住你唔比（畀）你去！每個消費者有自由選擇權利，『五毛』係有錢收㗎！」

恐嚇日後暴亂燒舖

在先施方面，「Peter Chan」就話︰「從今日起永不光顧先施。」「Samuel Chiu Wing Hung」亦話︰「先施吖嘛......收到。「Ricke Hor」就語帶恐嚇聲言︰「提醒馬生一句，聽張德江講：『街頭政治不能當飯吃』，投票個（嗰）陣聰明少少，選個受歡迎嘅特首，香港人條氣順D（啲），生意都會好D（啲）。選個行鬥爭路線嘅，下次暴亂個（嗰）陣燒咗你間鋪（舖）就唔好啦 ......」

根據《選舉（舞弊及非法行為）條例》，對某人施用武力或脅迫手段， 或威脅對某人施用武力或脅迫手段， 而誘使該人在選舉中投票或不投票、投票予或不投票予某候選人或某些候選人，或誘使該人令第三者作出上述決定，即屬舞弊行為。