華發網繁體版

【網議政事】「賢學」煽民6·12上街 網民譏又搵人送頭

【網議政事】「賢學」煽民6·12上街 網民譏又搵人送頭

黑暴分子兩年前借修例風波搞到社會立立亂,雖然香港國安法實施後,大部分黑暴已經受到法律制裁,但總有一小部分(黑暴)依然死心不息,定時定候又再鼓吹「手足」上街,妄想可以重現當時嘅亂象。唔單只有人喺連登鼓吹,「港獨」組織「賢學思政」噚日都大肆煽動市民,本周六去旺角「再聚」。

「港獨」組織「賢學思政」噚日喺社交平台facebook發文,聲言「身土不二,烽煙再起」,6月12日會喺旺角擺街站,但就宣稱唔會公布詳細地點。佢哋宣稱:「大家可以周圍搵我哋……幾時嚟都得……」仲揚言希望大家去旺角呢個「充滿血汗和『勇氣』的地方『如水再聚』」。

「驚×咩?」日前都喺連登開post,聲稱會喺6月12號夜晚7點鐘,喺銅鑼灣街頭舉行所謂嘅「6·12 香港人 如水再聚」活動。佢就煽動一班「手足」話:「當全球在6月12日『聲援』香港嘅同時,我地(哋)就正正企係(喺)呢一片土地上,點解都唔行出尼(嚟),證明比(畀)全世界睇,香港人仍然堅持緊。」唔單只不斷鼓吹人上街,佢仲聲言:「當大家係(喺)同一個街頭,大家自然會知道要做咩。」

不過,「手足」嘅反應就麻麻,唔少人都覺得佢哋想叫人出去送頭、俾警察拉。「小林尊絲」就爆晒粗口咁講:「嘥×氣啦,又搵人出黎(嚟)送頭?」「好鍾意返工」就批評:「又玩情緒勒索。」

「掀起你的蓋頭來」就勸佢話:「唔好搞啦,陣間又塞車,星期六約咗人食飯……你地(哋)除咗影響他人正常生活就冇其他作為。」

其實過去兩年,久唔久就有啲黑暴分子會喺網上鼓吹人上街集結,但實質就「叫人衝自己鬆」,搞到班「手足」都已經唔再相信,反問返:「Be water (如水)意思係咪水人?」

警擬逾千警力應對

有傳媒昨晚引述消息透露,因應網上有人號召於本周六發起非法集結,警方經初步評估後,已擬定部署過千警力應對,但實際警力會視乎情況作出調整,各總區應變大隊將有部分人員要隨時候命,防止有人乘機搞事。 

來源:文匯報

0

[ 華發網繁體版特色欄目推薦 ]
港人港語:抵港人士符合要求檢疫期減至7天 陳肇始:檢疫期要做檢測→ 猛戳這裏
港人港語:【抗擊新冠肺炎】本地倘28天清零 港澳免檢疫通關→ 猛戳這裏
港人港語:港區人大代表:繼承保家衛國精神→ 猛戳這裏
港人港語:商界警告:長期不通關 經濟無法翻身→ 猛戳這裏
港人港語:市民自發 : 勸「本土青年意志」重回正軌→ 猛戳這裏
華發網繁體版是由支持華發網的年青學生聯手打造和管理的資訊分享與娛樂互動平臺,面向香港、澳門、台灣,以及東南亞和全球其它地區的繁體字用戶。華發網繁體版為您打造傳統網絡及新媒體空間,您的參與會讓它更加精彩。
给華發網繁體版點個贊!有你的支持是我們前進的動力! 猛點這裏 >>
【原創文章 投稿郵箱:editor@china168.org | 期待您的投稿!】

上一篇
消息:今無不明源頭個案 不設疫情記者會
下一篇
【選制新時代】梁振英:新選制料吸更多有志者參政

精彩評論

暂无评论...
验证码 换一张
取 消