新聞追蹤/童黨霸凌 大細通打 捱毆家庭斥黑暴遺禍

圖：關家一家四口居住於石硤尾一劏房單位，對於一家四口捱童黨狂毆，關父怒斥黑暴遺禍。

童黨問題日趨嚴重，連大人都被照打！早前石硤尾邨發生四名學生在石硤尾一屋邨的公園聊天時，突被10多名少年圍毆，其中最令人側目的是兩名家長驚聞兒子遭人欺凌後前往救援，詎料10多名惡霸未有收斂，更連「大人都打埋」。

大公報記者找到涉事受害的一家四口，了解案發經過，被襲的兩兄弟猶有餘悸，不敢踏出家門，當晚為救子而被童黨打至傷痕纍纍的父親憤慨：「唔通真係誰大誰惡誰正確？當街蝦蝦霸霸，打人都無事，香港仲有法治嘅？」他更不諱言指本港經歷黑暴後，暴力已經變成常態，特別是年輕罪犯和黑社會的肆虐行為，比以前更肆無忌憚。

大公報記者找到涉事受害人一家四口，了解案發經過及詳情。他們身體上有明顯傷痕，頭、背、手和腳均有疼傷及流血。被童黨圍毆的弟弟阿偉（化名，13歲）和哥哥阿龍（化名，18歲）直言案發後至今，除了返學，都不敢出街，兩兄弟與父（48歲）和母（39歲）窩在百呎的劏房，向記者講述事件經過。

阿偉說：「當日大概晚上10時至11時，我與兩名同班同學和阿哥在公園傾偈。突然有個男仔行埋嚟話『隻揪』，我哋唔識佢，但就認得佢係附近蝦蝦霸霸嘅人，我哋都唔理佢，起身想走。點知佢攔住我哋，仲叫咗其他人嚟圍住我哋，打我哋。其實都唔係第一次了，以前有一次我喺游泳池更衣室，都撞過佢哋，突然走來揼我個肚幾下……」

慣常在球場網吧流連

一直低着頭的阿偉講述事件時身體蜷縮，神情恍惚，聲音微弱，問及其感受時，他細細聲說覺得好驚。據哥哥阿龍和爸爸表示，這班屋邨惡霸恃勢凌人，在附近一帶已稱霸多時，曾見他們當街打人，但不會有人敢挺身指控或報警。身形健碩的阿龍，當晚寡不敵眾，被打至傷勢較嚴重，他的頭部後尾枕位置腫脹，手部前臂和腳部都有大塊瘀傷，阿龍說：「佢哋打人根本唔使有原因，總之睇你唔順眼就打，無人敢惹佢哋。」兩兄弟指這班屋邨童黨慣常在晚上的邨內球場及網吧流連。

爸爸亦氣憤難平說：「邊度可以亂打人，睇人唔順眼就打人」。他憶述當晚細仔的同學突然跑上到家門求救，說他們被人毆打，於是他與太太即趕到現場：「到公園見佢哋（惡霸）有幾個人，當我上前想帶啲仔走，點知我未開口講嘢佢哋就『吹雞』，好快就有多幾個明顯大隻啲，年紀大啲青年人走埋嚟，仲對我郁手，又用拳頭，又有用棍，點估到依家啲後生仔咁狼死㗎！」已事隔三天，任職廚房的偉父身形魁梧，但仍被打至左手前臂至手腕位置及左腳膝頭流血，四肢多處瘀傷，上背位置更有一道瘀青「棍痕」。

爸爸抱怨稱：「唔通真係似電視劇《大帥哥》口頭禪，呢個世界係誰大誰惡誰正確？當街蝦蝦霸霸，打人都無事，香港仲有法治嘅？自從近幾年有暴亂之後，唔知點解暴力已經變成常態，特別係壞嘅年輕人和黑社會，惡到連警察都唔驚！」兩位兒子說曾聽聞有同學指這班惡霸同學是「14」、「23」等字頭的黑社會招攬的童黨。阿偉又補充認得當晚帶頭打人的學生，是就讀於哥哥的中學。

路人只管拍攝不報警

當晚兩兄弟的母親被惡霸推拉，手部腫痛，她說收入有限，居於劏房，天熱兩兄弟到公園納涼，卻無辜惹禍，惟目擊的路人卻只拿手機拍攝，無人協助報警，她說兩兄弟每日返學放學都擔驚受怕被跟蹤、被打、被尋仇，另外當晚一名被打的學生至今仍未敢返學。　　

涉事的一家四口於2019年來港居住，現居住於石硤尾一劏房單位。他們表示未來港前透過本港的電視劇和電影了解香港，印象中香港是一個發展成熟、文明，講法治的社會，萬萬想不到原來香港的「真面貌」是如此無法；阿偉童言無忌地問：「睇戲講香港警察好勁，唔係咩案都破到嘅咩？」