華發網繁體版

【貴圈真亂】黃店極污糟 舖頭遍鼠蹤

【貴圈真亂】黃店極污糟 舖頭遍鼠蹤

前員工遭拖糧爆大鑊 店主初死撐終跪低執笠收場

一直以嚟都有唔少「黃店」用盡各種手法壓榨「手足」、欺騙「同路人」,搞到「黃色經濟圈」變成「黃色水魚圈」。近日有間黃店就被踢爆各種劣行,除咗「扮黃」吸引黃絲、拖手足糧之外,仲將老鼠行過嘅食物賣畀班黃絲。一班黃絲知道自己做咗水魚後,就開始嬲爆爆咁「內鬥」,支持間黃店執笠。

網民「我食緊叉雞飯呀」日前喺「連登」討論區出帖,一開始大呻自己俾尖沙咀黃店「不忘」拖糧。由佢post出同店主嘅對話圖可見,「我食緊叉雞飯呀」初時好聲好氣咁同店主講,自己被炒魷魚理應喺離職後7天出糧,但店主反而以「無時間計糧」為由作回應,搞到「我食緊叉雞飯呀」就搬勞工法例出嚟講數,點知店主依然不為所動,仲話「你隨便告,係要搞到咁僵的話」、「將心比己,你點我點,我無覺欠你」等說話。

18張老鼠店內肆虐照片極嚇人

見到店主態度咁差,「我食緊叉雞飯呀」就即刻走去勞工處度落案,仲向積金局追討返佢無交嘅強積金。不過,店主似乎無有怕,仲以「攬炒」嚟恐嚇「我食緊叉雞飯呀」,話自己有晒佢所有資料,希望佢唔好再搞公司,如果唔係絕對會用自己嘅網絡同佢「攬炒」。黃絲開口埋口都話要「攬炒」,估唔到原來攬炒對象仲包括埋自己人,果然夠「齊上齊落」呀。而店主除咗話要「攬炒」之外,仲不忘鬧多帖主幾句,話佢「正宗演繹咩叫反轉豬肚就係屎」,仲聲稱佢喺新年後搞到公司兩個月蝕咗七八萬。

受盡抨擊嘅「我食緊叉雞飯呀」激到一肚氣,決定「佢不仁,我不義」,進行絕地大反擊,將黃店「不忘」嘅醜事一一公諸於世!帖主首先踢爆「不忘」一直以內地豬肉假扮泰國豬肉嚟呃班同路人,仲話店內嘅雪櫃其實係唔凍嘅,入面啲肉類都出晒血水變壞,仲傳出陣陣惡臭味。睇到「不忘」咁惡劣嘅食物質素已經令人想嘔,但原來戲肉在後頭,最恐怖嘅係間舖頭嘅衞生情況。

帖主一共貼出18張「米奇」寫真,力證「不忘」店內嘅地下、天花、水管,甚至係鋅盆同器皿上都有老鼠嘅身影。而最核突嘅係,平時啲器皿會用嚟撈餃子餡同食材,「我食緊叉雞飯呀」就話自己掉咗啲器皿後又會畀店長拎返嚟用,而且多次反映鼠患問題都被店長「拖字訣」,搞到間舖充滿老鼠、曱甴。

唔少網民見到「不忘」充滿老鼠嘅畫面都嚇怕,仲話係見過最恐怖嘅餐廳。「丸走睪飛2」話:「睇佢(不忘)ig好似好×黃咁喎,俾(畀)啲咁×樣嘅質素畀自己友食,直頭黑店啦!」「TaylerchieF」就話:「黃色蠢×圈,成班唔係仆×就係弱智!」

而除咗賣啲同老鼠接觸過嘅食物畀班「手足」外,有人仲踢爆「不忘」早前利用夥計上庭去做新聞,扮晒嘢咁吸引「同路人」支持,「黃色經濟圈」口講就話「齊上齊落」,但實質都係各懷鬼胎。

見店主企硬 再出新相打臉

面對各項指控,「不忘」店主隨後發文反駁,聲稱絕對唔會出唔乾淨唔衞生嘅產品,仲解釋話有聘請滅鼠公司去處理,強調自己會保留對事件嘅法律追究權利。不過「我食緊叉雞飯呀」之後就再貼出多張相片反擊,影住啲老鼠係(喺)食物上行過,力證店主又再講大話,搞到唔少網民都一面倒叫間黑店快啲執咗佢咁話。

黃絲內鬥嘅力量真係不容忽視,最終短短一日內,「不忘」就宣布即日結業,仲話「對唔住,我地(哋)真係做錯」,仲逐一向前員工、網民道歉。不過網民依然唔受落,「黃是最溫暖的顏色」就話:「醒目,本身都被食環告,依()加(家)執埋遲啲改名再開米奇樂園無人知,扮黃呃黃絲」,而「神奇小子」就畫龍點睛:「又一證明,黃圈的店係盲撐出黎(嚟),無腦的,抵食老鼠屎。」

來源:文匯報


0

[ 華發網繁體版特色欄目推薦 ]
法治論壇:政Whats噏:宣傳反恐特勤隊 鄧炳強全副武裝佗槍登場→ 猛戳這裏
法治論壇:罪有應得/維園非法集會 積犯黃之鋒囚10月→ 猛戳這裏
法治論壇:斥「毒果」造假新聞無好下場 團體調查指67%人料終破產→ 猛戳這裏
法治論壇:《佔領立法會》《理大圍城》雙雙奪獎 台借港黑暴片宣「獨」→ 猛戳這裏
法治論壇:政府今撤銷英國及愛爾蘭「禁飛令」→ 猛戳這裏
華發網繁體版是由支持華發網的年青學生聯手打造和管理的資訊分享與娛樂互動平臺,面向香港、澳門、台灣,以及東南亞和全球其它地區的繁體字用戶。華發網繁體版為您打造傳統網絡及新媒體空間,您的參與會讓它更加精彩。
给華發網繁體版點個贊!有你的支持是我們前進的動力! 猛點這裏 >>
【原創文章 投稿郵箱:editor@china168.org | 期待您的投稿!】

上一篇
【網議政事】攬炒區員辭職後偷奸耍滑
下一篇
無法無天/法輪功涉違國安法 學者促警調查

精彩評論

暂无评论...
验证码 换一张
取 消