馬國明挺身護心穎：她知做錯了

■大批傳媒昨在電視城追訪馬國明。 攝影：梁靜儀

不以受害人姿態示人贏讚賞

許志安（安仔）與黃心穎分別背着另一半鄭秀文（Sammi）與馬國明在車廂偷情啜爆，引起全城熱話。繼前日男主角安仔召開記者會，聲淚俱下為自己的行為公開向太太鄭秀文道歉後，黃心穎昨終在IG「甫頭」向男友馬國明及他的家人道歉。而馬國明昨日亦首度現身開腔回應，雖是受害人，他仍暖男上身，處處維護黃心穎，但未有透露二人目前的關係是否有變。

無綫助理總經理（藝員管理及發展）樂易玲昨早向傳媒透露受害人之一馬國明的情況：「佢OK，大家唔使擔心佢。馬國明佢好乖，佢自己要求繼續開工，叫大家唔使遷就佢，所以佢今晚會繼續如常開工拍攝《降魔的2.0》的外景。」

馬國明昨日下午由太古城寓所出發到將軍澳電視城開工，拍攝新劇《降魔的2.0 》，下午4時35分在經理人陪同下現身電視城。頭戴cap 帽孭住背囊的他，知道有大批記者在場守候，他稍作停下讓大家影相後，便步入化妝間化妝準備出外景。半小時後，化好妝的馬明步出見半百傳媒。

自覺沒資格評論安仔

經過一晚沉澱後，有備而來的他先開腔說：「其實呢件事我知道咗之後，我好快已經無咗嬲呢個感覺 ，我係好平靜，同埋我好快變成擔心，我係好擔心呢件事牽涉喺入面嘅所有人，任何一個受到傷害，我都係唔希望嘅。可能我唯一可以代表佢（黃心穎）講少少嘢，其實我知佢，知自己做錯咗，我亦知佢其實好想出嚟同大家講嘢，不過好似公司驚佢情緒不穩定會講錯嘢，所以無安排佢出嚟，我知佢啱啱喺IG表達咗想講嘅嘢，我只可以話，佢仲好年輕(30歲)，未來仲有好多路需要面對、要行，希望大家畀啲空間吽C至於我，大家不用擔心，我未來會繼續好專心工作，會拍好我嘅戲，我仲開緊工，唔希望影響部戲嘅進度。」

至於安仔，馬國明則拒絕回應：「安仔講咗嘅嘢，我亦唔會發表任何意見，我覺得呢個世界冇人有資格發言，除咗安仔太太之外，其實大家都冇資格去發言，所以希望件事盡快可以平息咗吽A就算。」

無正式答分手與否

對於有傳媒前日就此事追訪馬明媽媽，馬國明希望媒體高抬貴手，他說：「因為我爹哋、媽咪唔係呢個圈嘅人，咁多位記者朋友技巧好高，好識引導佢講你哋想要嘅答案，咁我媽咪突然有咁多支咪隊埋去，佢係會驚嘅，咁佢可能會講錯咗嘢，希望唔好將我媽咪嘅說話，放大佢。佢講任何一句說話，可能喺好驚情況下講，我唔會就佢任何講過嘅一句說話，去回應大家。只希望唔好嚇親我屋企人，因為佢哋唔係圈內人，不知突如其來嘅事，佢哋會好驚、唔習慣呢個感覺。」

問到他跟黃心穎目前的關係及是否已分手？ 馬明說：「我冇乜可以講，未來我會好專心做自己工作，多謝大家關心！希望大家高抬貴手，唔好再將件事發酵，令更多人受傷害，相信件事已經令好多人受傷，希望件事盡快平息咗吽A過去就算。」說完雙手合十離開。

Sammi現以平靜的心面對

安仔前晚舉行記者會交代事件，自責是個醜惡、不知所謂的人，並公開向太太Sammi道歉。事發後，Sammi一直未有回應，有傳聞指她情緒崩潰，拒見安仔拒睡覺拒進食，其Facebook專頁上的封面圖片變成黑色一片，粉絲們都十分擔心她的情況。不過，對於外間傳Sam

香港文匯報