華發網繁體版

政情:工程項目大塞車 泛民拉布阻撥款 建造業促加會審批

政情:工程項目大塞車 泛民拉布阻撥款 建造業促加會審批

泛民主派不停拉布,已令好多工程撥款申請大塞車,接住又受反修例風波打擊,依家再加上新冠肺炎肆虐,建造業嗌晒救命,業界生計大受影響,依家已積壓咗六百一十億元嘅工程項目申請,故要求立法會財務委員會加開特別會議,又呼籲議員放開政治議題,避免流會,盡快審批工務工程項目。

建造界大聯盟發言人謝子華尋日去信畀立法會主席梁君彥,直指政府工務工程已連續數年大幅下跌,喺二○一八/一九年,全年只批出約五百億元工程,比原先估計少咗一千二百億元,而二○一九/二○年,政府預算推出約二千億元嘅工程中,至今只批出唔夠三百五十億元,相差一千六百五十億元。

嚴重影響工人生計

信中指出,依家喺財委會排緊隊審批約有六百一十億元撥款,呢筆撥款包括咗上個立法年度嘅四百億元同今個立法年度嘅二百一十億元。唔單止咁,喺工務小組委員會方面,二○二○/二一年度基本工程儲備基金嘅整體撥款二百二十三億五千萬元亦受到阻延,令七十五項涉及逾一千億元嘅新工程受到積壓。

謝子華亦喺信中大吐苦水,話連續數年嘅工程量缺口,以及財委會同工務小組審議工程撥款嘅工作進展極度緩慢,令建造業界,特別係工程專業有關人員同工人生計造成嚴重影響,促請財委會加開特別會議,集中審批工務工程項目撥款,追回延誤,同時希望所有議員喺抗疫嘅同時,亦暫時放下政治議題,盡職責出席會議,避免流會等事情發生,盡快審批工程撥款咁話。

陳健波插針狂加會

就因為工程撥款大塞車,工務小組委員會主席盧偉國同財委會主席陳健波,幾乎有位就插針,不停咁加會,根本就係想快啲通過積壓咗,尤其係同民生有關嘅工程項目,之但係工務小組委員會過咗嘅項目,排到上財委會都有排等。

其實陳健波都好頭痕,事關佢加咗會希望可以疏導大塞車,點知班泛民主派議員喺公務員加薪嘅撥款申請拉布,經過多次會議都未表決。佢之後仲話要不斷加班,之但係又遇上新冠肺炎襲港,受疫情影響更加要取消本周兩節會議,而嚟緊下個禮拜嗰兩節會議都未知開唔開得成,真係唔知點算好?

【華發網根據東方日報採編】

0

[ 華發網繁體版特色欄目推薦 ]
港人港語:教育病了\孔聖堂放生咒警黃師 市民促革職→ 猛戳這裏
港人港語:醫護缺勤 難逃責任→ 猛戳這裏
港人港語:民建聯促全民派錢1萬→ 猛戳這裏
港人港語:深圳日贈港十萬口罩 支援港抗疫→ 猛戳這裏
港人港語:東方獻策72小時 港府終派包機 赴湖北救人→ 猛戳這裏
華發網繁體版是由支持華發網的年青學生聯手打造和管理的資訊分享與娛樂互動平臺,面向香港、澳門、台灣,以及東南亞和全球其它地區的繁體字用戶。華發網繁體版為您打造傳統網絡及新媒體空間,您的參與會讓它更加精彩。
给華發網繁體版點個贊!有你的支持是我們前進的動力! 猛點這裏 >>
【原創文章 投稿郵箱:editor@china168.org | 期待您的投稿!】

上一篇
新增三宗確診 涉兩餐新年飯
下一篇
新型肺炎|港食肆生意下跌90% 料3個月內現倒閉高峰

精彩評論

暂无评论...
验证码 换一张
取 消