華發網繁體版

【網議政事】狗衝「大台」踩陷阱 盧斯達「獻頭」被恥笑

【網議政事】狗衝「大台」踩陷阱 盧斯達「獻頭」被恥笑

到底人為咗博出位可以去到幾盡?講緊嘅係「本土派」作家盧斯達日前為咗刷存在感就走過界上埋反對派網台D100,諗住以為畀人訪問下就響朵啦,點知到最後又係俾班反對派玩狗咁玩,真係偷雞唔到蝕渣米。結果一眾網友都鬧爆盧斯達口口聲聲同反對派割席,但又死狗咁款為曝光去黐班反對派,唔少得嘅當然係瘋狂恥笑佢做炮灰啦。你估班反對派真心想拉攏「本土派」咩,其實咪又係想食埋「本土派」,得罪講句:到底係天真定係傻呀?

稱上D100「和解」 大口玲唔受落

話說盧斯達前幾日就上咗D100主持人李慧玲同民協何啟明嘅節目,仲掛住自稱嘅「本土派代表」光環諗住同反對派和解,又話係借大台去幫「本土派」發聲咁喎。不過你有你解釋,似乎人哋就唔係咁受落啦,李慧玲就皺晒眉,何啟明就反晒白眼咁,係咪真係想同你破冰就真係見仁見智啦!

「狗主」黃毓民就喺自己個網台節目度鬧爆盧斯達:「你哋邊×個可以代表『本土派』?」佢又話盧斯達明知D100專打擊「本土派」仲要去送死,擺到明係「中晒計」,做到李慧玲好把炮請到「本土派」咁款,「呢個咁嘅台,×你老母專打擊『本土派』,支持『泛民』,你借佢個台解釋,又唔敢××佢!」

「狗主」鬧中計 「神駒」寸作死

「無敵神駒」仇思達見到盧斯達亦附和出post鬧:「D100邪惡程度等同於花生台,所有『本土派』支持者必須予以最嚴厲的抵制,不應接受李慧玲(又稱八婆玲、大口玲)之引誘。D100主持諸如吳志森、黎則奮、桑普、傑斯、梁國雄之流,長期在該平台抹黑『本土派』,喪盡天良,人神共憤。」

「香港文匯報忠實讀者」「JoJo Wu」就製圖抽盧斯達水,話D100擺到明就係一個大伏,盧斯達仲要狗衝去踩陷阱,連神駒都留言恥笑:「以為有得曝光好爽,邊有咁大隻蛤乸隨街跳!」

反對派口口聲聲話要同「本土派」合作,但其實根本只係想食埋「本土派」啲票;另一面「本土派」又話要同反對派割席,結果??家所謂嘅「本土派代表」又衝去同人和解破冰咁,一個二個都華麗轉身咁款,真係難分真與假喎!

【華發網根據文匯報採編】

0

[ 華發網繁體版特色欄目推薦 ]
@香港:譴責暴力沖擊立法會!國務院港澳辦、香港中聯辦、外交部駐港公署齊發聲→ 猛戳這裏
@香港:反對派新區選戰略就是欺騙選民 → 猛戳這裏
@香港:梁振英倡法律界展優勢融大局→ 猛戳這裏
@香港:反對派勾台「獨」 竟稱修例「損安全」→ 猛戳這裏
@香港:大狀公會唱衰修例 猶如反對派B隊→ 猛戳這裏
華發網繁體版是由支持華發網的年青學生聯手打造和管理的資訊分享與娛樂互動平臺,面向香港、澳門、台灣,以及東南亞和全球其它地區的繁體字用戶。華發網繁體版為您打造傳統網絡及新媒體空間,您的參與會讓它更加精彩。
给華發網繁體版點個贊!有你的支持是我們前進的動力! 猛點這裏 >>
【原創文章 投稿郵箱:editor@china168.org | 期待您的投稿!】

上一篇
支持改革開放 開設香洲毛紡廠
下一篇
散佈「恐華」言論 與戴耀廷唱和

精彩評論

暂无评论...
验证码 换一张
取 消