搜索右侧

您現在的位置:華發首頁>@香港 >

【網議政事】反對派咬「金主」? 鬧壹仔屈新來港者

更新時間:2018-10-25 18:42來源:網絡作者:@Mary人氣:667705

【網議政事】反對派咬「金主」? 鬧壹仔屈新來港者

反對派鬼打鬼都唔係第一日嘅事,不過今次夠膽同「金主」對抗就真係成地花生殼。話說由肥佬黎(黎智英)創辦嘅《壹週刊》日前出咗篇報道,話新來港人士「呃綜援」,仲要講到似層層話佢哋「月入三皮」仲可以買樓又去歐遊,俾班覺得自己好「大愛」嘅「左膠」鬧傳聞當新聞,抹黑班新來港人士。不過,最好笑嘅係班「左膠」不嬲都鄙視內地,仲有包庇仇視內地居民同新來港人士嘅「港獨」分子,咁樣幫新來港人士講好說話,以為可以華麗轉身?又中回力鏢咋啩!

引述僱主就話人呃綜援

壹仔篇報道個標題大大隻字寫住「新移民呃綜援」,內容就引述某個食肆老闆,話班綜援打工仔大多數都係「新移民」,仲話班人為咗避過綜援嘅資產審查,要求每日用現金出糧。篇報道仲寫到班新來港人士好富貴,可以成日去旅行又買股票,月入3萬蚊之餘仲幫埋仔女上樓,而政府又唔會理。係真唔係呀?

寫到班新來港人士咁富貴仲要拎綜援,好明顯都係想煽動仇恨啫。「Loretta Yeung」就鬧:「垃圾政府就係養埋咁多無恥的垃圾!」「Mui Chiu」就話:「難為香港人捱死一世騾仔!都冇咁好福利!最好趕佢班垃圾返『大陸』!」

杜振豪黃浩銘睇唔過眼

結果呢次連班「左膠」都睇唔過眼。職工盟幹事杜振豪就喺fb度鬧呢篇所謂「報道」(見圖),只係聽個老闆嘅傳聞,咁都當係新聞出街,「既然班老細(闆)自己都知現金出糧唔供強積金犯法,就好心佢哋咁委屈嘅就拒絕囉,扮晒自己係受害者博同情!」

佢更質疑個老闆嘅講法,話炒散根本無可能搵到咁多,「退一萬步,呃綜援+人工點可能有三萬?畀盡你綜援金有三五千,基層飲食業員工有幾多人可以搵到兩萬五一個月?」

社民連副主席村短(黃浩銘)都幫班新來港人士講嘢,話壹仔如果無真憑實據就真係唔好以訛傳訛,人云亦云。佢又列咗一堆證據,話居港少於7年嘅綜援受助人其實逐年減少,直至去年底只係佔整體不足5%。

佢又串班仇外者與其淨係聽傳聞就喺度怨天尤人,不如就真係向申訴專員公署投訴,或者搵議員發聲,最後仲標籤(hashtag)「我能理解因為窘迫的生活景況而討厭外來者的感受,但我們不能憑印象或感覺去貶損他人甚至是一個群體。」

唔少網民亦都唔滿意壹仔咁樣做。「蔡玉萍」就批評壹仔同同系《蘋果日報》做法唔道德:「今日《蘋果》兩篇文都很過份(分),極盡煽動仇恨『大陸』移民/非本地出生華人的情緒。」「Calvin Tsang」直接鬧壹仔「可恥」:「煽動族群仇恨的人很可恥,一個半個特別個案就挑起啲族群仇恨很離譜,啲人羡慕就自己去申請試吓,信都低能嘅!」

雖然呢次班「左膠」終於肯講返句公道說話,但明明之前班反對派又好撐仇視內地人嘅「港獨」分子㗎,做咩呢次又咁「大愛」幫班新來港人士呀?吖,唔記得咗李卓人都係「左膠」噃,喺呢件事上點都應該出句聲好噃,仲記唔記得佢細佬蒙兆達寫過文話「議席可以失去,但信念卻絕對不能」喎,唔係因為選舉期間怕咗肥佬黎吖嘛?

【華發網根據文匯報採編】

(來源:网络)

  • 凡本網註明"来源:華發網繁體版的所有作品,版權均屬於華發網繁體版,轉載請必須註明來自華發網繁體版,https://china168.org。違反者本網將追究相關法律責任。
  • 本網轉載並註明自其它來源的作品,目的在於傳遞更多信息,並不代表本網贊同其觀點或證實其內容的真實性,不承擔此類作品侵權行為的直接責任及連帶責任。其他媒體、網站或個人從本網轉載時,必須保留本網註明的作品來源,並自負版權等法律責任。
  • 如涉及作品內容、版權等問題,請在作品發表之日起一周內與本網聯系,否則視為放棄相關權利。




圖說新聞

更多>>
何為證據?揭露香港亂像的幕後黑手

何為證據?揭露香港亂像的幕後黑手


返回首頁