搜索右侧

您現在的位置:華發首頁>@香港 >

陳浩天中環遊之食盡FCC

更新時間:2018-09-01 16:57來源:網絡作者:@Mary人氣:6402565

陳浩天中環遊之食盡FCC

開場白:

誓要去,入刀山,「浩」氣喪,正生番!

呢一集追蹤廢青系列,主角依然係陳浩天。兩手揈揈、打下機、玩下龜、黐飲黐食係日常嘅佢,呢期KO咗唔少「網紅」,全港冇人唔識,畀人喊打指數直逼戴耀廷。

上一集,攝製隊直擊佢拖女免費豪遊台灣兼播「獨」;今集,攝製隊再跟佢去咗轉「中環遊」,直踩新興「獨竇」FCC。

第一節 龜仙人又老點

上一集,攝製隊拍到陳浩天受到龜仙人感召,今次,我哋公開另一段人龜之間「講獨」絕密錄音。

陳浩天:我唔想再做廢青,要做,就做「播獨廢青」!

龜仙人:#$%^&*@

陳浩天:即係話,仙人都支持我?

龜仙人:&^@#%!^

陳浩天:咁就好囉,自從拖女豪遊台北順便宣「獨」之後,我信心返曬嚟!

龜仙人:+%&@%*

陳浩天:就係咁,原來播「獨」有咁多so(註:着數咁解),一於玩大佢!

龜仙人:#*&@^%

陳浩天:咁啱呢期有間「乜乜C」搭定個台叫我去趁下,一於應承,呃餐食都好。

龜仙人:^*#@%!

陳浩天:想請教仙人,間「乜乜C」係咪有炸雞食?

龜仙人:???⁈!!!

雖然龜仙人都被考起,但陳浩天彷彿收到感召和「老點」,「中環遊」起程。

第二節 帶着「獨品」中環遊

陳浩天再次變身西裝男,向着雲咸街進發。去到中環,佢先知道條長命斜同「播獨路」一樣─行到冇命!佢唞唞氣,先至驚覺呢度唔係以雞聞名嗰間「乜FC」,係西人雲集扮高檔嘅「FCC」。

見慣「獨」場面嘅佢,扮曬淡定咁照稿讀,又一次好險咁完成「講獨」。當佢出出入入時,群眾示威罵聲四起,佢又一陣飄飄然,覺得大家認真畀面。

第三節 FCC自找「末」趣

邀請陳浩天「講獨」,FCC唔單止「獨竇」身份立刻現形,仲揭露咗呢個會平價享用兼霸住中環靚地。香港「土地問題」錯配到呢個地步,市民怒火難奈。攝製隊拍到團體日日示威,促請政府收回FCC會址。

【華發網根據大公報採編】

(來源:网络)

  • 凡本網註明"来源:華發網繁體版的所有作品,版權均屬於華發網繁體版,轉載請必須註明來自華發網繁體版,https://china168.org。違反者本網將追究相關法律責任。
  • 本網轉載並註明自其它來源的作品,目的在於傳遞更多信息,並不代表本網贊同其觀點或證實其內容的真實性,不承擔此類作品侵權行為的直接責任及連帶責任。其他媒體、網站或個人從本網轉載時,必須保留本網註明的作品來源,並自負版權等法律責任。
  • 如涉及作品內容、版權等問題,請在作品發表之日起一周內與本網聯系,否則視為放棄相關權利。




圖說新聞

更多>>
何為證據?揭露香港亂像的幕後黑手

何為證據?揭露香港亂像的幕後黑手


返回首頁