養兒方知父母心 新手媽媽過母親節念親恩

■李亞男想囡囡Gabrielle做有愛心的人。

今天就是一年一度的母親節，人人都趁着這個大日子向媽媽表達心意，大家已經想好與媽咪如何慶祝了嗎？正所謂： 「有仔萬事足」，今年不少星級藝人都晉級成為媽咪。初為人母，對BB無微不至的照顧、日夜操心的勞累，雖然累，但看到小朋友的成長，一切盡在不言中。記者日前訪問了四位新手媽媽，分別是李亞男、陳凱琳、單文柔及董敏莉暢談湊B近況。養兒方知父母心，她們也對自己的媽媽大聲地說：「媽媽，我愛您！」採訪：植毅儀

陳凱琳：BB身體健康已勝一切

陳凱琳（Grace）於今年2月為鄭嘉穎誕下囝囝Rafael，兒子現時接近三個月大。首次以媽咪的身份過母親節，Grace說：「母親節之後的十多日，就是BB出生100日，今年母親節不會大搞什麼，只是一家人一起吃餐飯，整個靚靚蛋糕一起影相。對自己來說，BB身體健康已勝過一切禮物。」

現時Grace已經開始適應做媽媽，老公鄭嘉穎亦有幫手湊囝囝，在湊BB過程中，每日都有趣事發生，而Rafael已經有12磅重，令餵人奶的Grace十分感恩。談到兩個多月大的兒子Rafael，她透露兒子已經有12磅重，湊仔技巧自己已能把握，Grace笑說：「現已能分辨到兒子喊聲，知道他是想換尿片還是想飲奶。好多謝老公嘉穎工作很忙，也幫手湊BB，特別會幫手餵夜奶。」

從小到大，陳媽媽都對女兒呵護備至，事事給寶貝女兒最好的，甚至於女兒成為香港小姐後，都樂於做跟得媽媽，同傳媒打好關係，給予女兒100%的照顧。Grace回想起小時候，自然感觸良多，她說：「小時候總要求媽媽將我抱在懷內，即使長大了、變重了，仍會拉着媽媽不放，要鑽進她兩臂之間。我經常會親吻媽媽，更會要求她親我，讓我無時無刻都感受到她的愛。所以我現在也很愛親吻BB，讓他感受媽媽給他最大的愛！」

李亞男：冀囡囡做有愛心的人

去年12月，李亞男誕下愛女王天韻(Gabrielle)，不知不覺間，小Gabrielle已經半歲。說到首次以媽咪的身份過母親節，亞男坦言非常期待，全因自己「升呢」去了人生另一個階段︰「我終於做家長，好期待女兒Gabrielle有一日會講『母親節快樂』，或者『媽咪我愛您』！今次好特別因為我媽咪都喺度。所以可以三代同堂一齊慶祝。我媽咪超級錫個孫，今年對佢來講會特別開心同窩心。」

亞男又表示做媽咪當然會有辛苦的時間，譬如囡囡唔肯飲奶的時候，要用好多心機去氹吽A扭瞓覺的時候，又要係咁抱住佢，一放低喺床妠N即刻喊。亞男說：「有時我腰骨都好酸痛，因為個女越來越重，但大部分時間佢都好乖。最窩心的時候，就係佢一瞓醒就會用一對好有靈魂的眼睛望住你笑。我成個人都融化咗。現在Gabrielle開始想講嘢，又會同你講BB話，好鬼得意。搞到我同老公都唔想出門口。」

在加拿大長大的李亞男，原來小時候係公公婆婆湊大，10 歲先同爹哋媽咪一齊住。今年將三代同堂過首個母親節，回憶起小時候同媽媽的生活點滴，李亞男說：「同媽咪關係一向都好Close， 咩事都會同佢講。生完女更加知道做媽咪唔容易，所以會更加孝順佢同照顧佢。以前媽咪對我好嚴厲，對我的要求都高，中國人的傳統係咁，希望自己仔女都係最優秀，不過唔會特別影響我對個女。我希望佢可以發揮到自己的長處，我反而在學業上面唔會要求佢太高，我會主攻佢的人品，希望佢做一個有愛心的人，珍惜所有的一切。」

單文柔：最想幫「小豬比」洗澡

剛過29歲生日的單文柔（Phoebe）迎來了最好的生日禮物及母親節禮物，就是生下愛女「小豬比」Quinta。單文柔表示今年母親節對自己十分有意思，她說：「終於有個節日同我有關係，之前就做女、做孫時會同媽咪、外婆等一起慶祝。今年多了一個身份，又是新抱，又是為人媽咪，所以會多花心思慶祝，同家人多吃幾次飯。」剛做媽咪不久，很多事都很新鮮。Phoebe表示生BB之前同生BB之後，感覺都大不同，她說：「生了BB，真的事事以BB為先，同埋見到BB會覺得好感動，好肉緊BB。」

初為人母的Phoebe坐月初期因為患了乳腺炎反覆發高燒，加上身上有傷口，Phoebe需入醫院治療。幸好現在Phoebe身體也漸漸康復，而且奶水都好足夠，可以餵人奶。Phoebe說：「做了媽媽都一段時間，餵奶掃風都已經上手，惟獨是未試過同BB洗澡。因為之前傷口都未好，唔可以彎下身幫個女洗澡，但都見到陪月幫個女洗澡，好想之後嘗試幫個女洗白白。而且做了媽媽好多事要勇敢去試，例如家人及工人姐姐唔敢幫『小豬比』抹臍帶，我其實都怕，但自己又肯放膽去做，多了很多嘗試。」

董敏莉：女兒健康開心已足夠

去年11月26日自己38歲生日的當天，董敏莉（Monie）剖腹產下囡囡(Martha)。因為Monie有子宮肌瘤，令生產過程面對好大風險，幸好現在一切已雨過天晴。Monie說：「以前母親節通常會諗送什麼東西給媽咪，帶媽咪去邊度慶祝。今年囡囡只有5個多月大，我沒有想去邊度慶祝，也沒有想收到什麼禮物。做了媽媽後，所有物質禮物都唔重要，只要BB身體健康，開開心心已心滿意足。」

来源香港文汇报